02.10.2012
«Քվեարկենք հանուն փոփոխությունների» թեմայով կլոր սեղան-քննարկում

2012թ-ի հոկտեմբերի 2-ին Օքսֆամ Հայաստանյան գրասենյակի Քաղաքացիական հասարակության համագործակցության ցանցը (ՔՀՀՑ) «Գոլդեն Թուլիփ Երևան» հյուրանոցային համալիրի «Վիվալդի» սրահում կազմակերպել էր «Քվեարկենք հանուն փոփոխությունների» թեմայով կլոր սեղան-քննարկում:

Քննարկմանը, որը կազմակերպվել էր Տնտեսական զարգացման և հետազոտությունների կենտրոնի աջակցությամբ, Կենտրոնի փորձագետները ներկայացրեցին իրենց կողմից մշակված  «Բարելավված առողջապահական համակարգ» և «Զարգացած գյուղատնտեսություն» հանրային առաջարկների փաթեթները, որոնք հասանելի են սույն կայքում Ուղեցույցներ և վերապատրաստման նյութեր բաժնում:

Ներկայացվեցին նաև դրանց վերաբերյալ ԱԺ կուսակցությունների և պատգամավորների թեկնածուների ամփոփ արձագանքները, քննարկվեցին դրանց շուրջ համագործակցության հնարավոր ուղիները:

Քննարկմանը ներկա էին պետական և միջազգային կառույցների, ինչպես նաև համապատասխան ոլորտների առաջատար հասարակական կազմակերպությունների ներակայացուցիչներ:

Միջոցառման լուսանկարները հասանելի են մեր ֆոտոսրահում այստեղ: